1-2. Со вакерѓа о ангели е џувленге кола со геле ко гробо е Исусескоро, хем со вакерѓа ленге о Исус?

РАНО сабајле ко 16 нисан 33 берш а.е., некобор верна џувља кола со сине бут тажна, геле ко гробо коте со англедер јекх диве текваш сине чхивдо о тело ленгере Господарескоро, о Исус Христос. Ама, кеда ресле адари, те шај те макхен лескоро тело мирислива маслонцар, ола бут чудинѓе пе соске дикхле кај о гробо тано чучо! Тегани појавинѓа пе ленге јекх ангели хем пхенѓа ленге кај о Исус воскреснинѓа. Исто аѓаар вакерѓа: „Ов џала англи туменде ки Галилеја. Адари ка дикхен ле“ (Мат. 28:1-7; Лука 23:56; 24:10).

⁴ О Исус мангела са лескере следбеникија те проповединен. Адаја заповед на денѓа ла само пле 11 верна апостоленге. Кеда о Исус денѓа акаја заповед ки планина ки Галилеја, адари на сине само лескере апостолија. Котар џанаја акава? Сетин тут кај о ангели вакерѓа е џувленге: „Адари ка дикхен ле“. Акава значинела кај адала да џувља ваљани сине те џан ки Галилеја. Спрема адава, освен о апостолија, сигурно акала џувља да сине ко адава состанок. Ама, на сине о единствена.