„О Девел со пханља те овел јекх...“

Според е Мојсејескоро закони, окова со мангела сине те развединел пе тари пли ромни ваљани сине те спреминел правно документи. Адава керела пе сине те шај о мануша те на анен сигате одлуке те развединен пе. Ама, ко време е Исусескоро, о верска водачија керѓе о мануша полокхе те авен џи ко развод. О ром шај сине те развединел пе тари пли ромни баши било сави причина (nwtsty повише информацие башо Мр 10:4, 11). О Исус истакнинѓа кај о Јехова тано адава со керѓа о брако (Мр 10:2-12). О ром хем и ромни ваљани сине те овен „јекх тело“ хем о брако ваљани сине те овел трајно врска. Според о паралелно извештај таро Матеј, единствено библиско причина башо развод тани и прељуба (Мт 19:9).

Авдиве, бут мануша ко брако дикхена сар о фарисеија, а на сар о Исус. Само со почминена те овен лен проблемија, о мануша ко свето одма родена развод. Ама, о христијања ко брачно завет дикхена бут сериозно, хем трудинена пе о проблемија те решинен лен според о библиска начелија. Дикхен о видеоклипи О мангипе хем о поштовање керена и фамилија те овел јекх, хем пало адава дискутиринен башо акала пучиба:

• 

  Сар шај о лафија таро Изреки 15:1 те поможинен туке ко брако, хем соске акава тано важно?

• Сар о лафија таро Изреки 19:11 шај те поможинен тут те избегине несаве проблемија?

• Ако тло брако висинела ко тхав, наместо те размислине башо развод, кола пучиба ваљани те пуче тут?

• Сар о лафија таро Матеј 7:12 шај те поможинен тут те ове пошукар брачно партнери?