Со значинела те ове неутрално?

О Исус вакерѓа кај лескере следбеникија на ваљани те овен „дело таро свето“ (Јован 15:19). Адава значинела кај мора те овен неутрална — те на мешинен пе ки политика хем ко војне. Ама, адава нане секогаш локхо. О мануша шај ка асан аменге хем ка критикујнен амен адалеске со сием неутрална. Сар шај те ачхова неутрална хем те сикава кај сием верна е Јеховаске?

1. Сар дикхена о чачутне христијања ко манушикане владе?

О христијања сикавена поштовање спрема и влада. Сар со вакерѓа о Исус, амен даја е Цезарескоро е Цезареске (Марко 12:17). Адава значинела кај амен поштујнаја о законија ки пхув коте со живинаја, сар на пример о закони те платинен пе о данокија. И Библија сикавела кај о манушикане владе постојнена само адалеске со о Јехова дозволинела ленге те владинен (Римјаните 13:1). Амен хаљоваја кај о манушикане владе иси лен само релативно или ограничимо авторитети. Џанаја кај само амаро Девел преку пло небесно Царство ка решинел са о манушикане проблемија.

2. Сар шај те сикава кај сием неутрална?

Исто сар о Исус, амен да на мешинаја амен ки политика. Кеда о мануша дикхле сар о Исус керѓа јекх чудо, ола мангле те керен ле цари, ама о Исус на дозволинѓа ленге адава (Јован 6:15). Соске? Ов ки јекх јавер прилика вакерѓа: „Мло Царство нане дело таро акава свето“ (Јован 18:36). Амен сар е Исусескере следбеникија сикаваја кај сием неутрална ко бут начинија. На пример, на џаја ки војна. (Читин Михеј 4:3.) Амен поштујнаја о национална симболија сар сој о знаме, ама на обожавинаја ле (1. Јованово 5:21). Амен на поддржинаја нијекх политичко партија или политичаре, а ни на сием против ленде. Ко акала хем ко бут јавера начинија, амен сикаваја кај сием целосно верна е владаке со поставинѓа ла о Девел — лескоро Царство.

ДОЗНАЈН ПОВИШЕ

3. О чачутне христијања тане неутрална

О Исус хем лескере следбеникија денѓе аменге пример башо акава. Читин Римјаните 13:1, 5-7 хем 1. Петрово 2:13, 14, а пало адава дикх о ВИДЕОКЛИПИ хем керен лафи башо акала пучиба:

ВИДЕОКЛИПИ: О чачутне христијања тане неутрална (прво дело) (4:28)

• Соске ваљани те поштујна е манушикане владен?

• Ко саве начинија шај те сикава кај сием ленге подложна?

Кеда иси војна, несаве државе вакерена кај тане неутрална, ама ола поддржинена о солдуј стране сој тане ки војна. На пример, ола керена адава аѓаар со дена паре или оружје. Ама, акаја нане чачутни неутралност. Читин Јован 17:16, а пало адава дикх о ВИДЕОКЛИПИ хем керен лафи башо акава пучибе:

ВИДЕОКЛИПИ: О чачутне христијања тане неутрална (дујто дело) (3:11)

• Со чаче значинела те ове неутрално?

Со би кереа ако и влада родела тутар те кере нешто сој тано против е Девлескоро закони? Читин Дела 5:28, 29, а пало адава дикх о ВИДЕОКЛИПИ хем керен лафи башо акала пучиба:

ВИДЕОКЛИПИ: О чачутне христијања тане неутрална (трито дело) (1:18)

• Ако о манушикано закони родела нешто сој тано против е Девлескоро закони, каске ваљани те ова послушна?

• Со мислинеа, ко кола ситуацие о христијања на би овена послушна е манушикане владенге?

4. Ов неутрално ко мисле хем ко постапке

Читин 1. Јованово 5:21, а пало адава дикх о ВИДЕОКЛИПИ хем керен лафи башо акала пучиба:

ВИДЕОКЛИПИ: Соске е чачутне христијаненге ваљани храброст — те овен неутрална (2:49)

• Соске о пхрал Ајенге одлучинѓа те на овел члени ки политичко партија или те учествујнел ко несаве национална церемоние, сар на пример те поздравинел пе о знаме?

• Со мислинеа ту баши лескири одлука?

Кола јавера ситуацие шај те керен аменге пхаро те ачхова неутрална? Дикх о ВИДЕОКЛИПИ, а пало адава керен лафи башо акала пучиба:

ВИДЕОКЛИПИ: Поуке тари Стражарско кула — ачхов неутрално ко поделимо свето (5:16)

• Сар шај те ачхова неутрална ко меѓународна спортска настанија?

• Сар шај те ачхова неутрална кеда сием лично погодиме таро одлуке со анена о политичарија, чак кеда адала одлуке тане баши амари корист?

• Сар шај о вестија хем амаро друштво те влијајнен упри амари неутралност?

СО СИКЛИЛЕМ

О христијања бут трудинена пе те ачховен политичко неутрална ко пумаре мисле, лафија хем постапке.

Сар ка одговорине?

• Сар ваљани те дикха ко манушикане владе?

• Соске сием политичко неутрална?

• Кола ситуацие шај те керен аменге пхаро те ачхова неутрална?

ИСТРАЖИН

Кола жртве шај ка ваљани те кера те шај те ачхова неутрална?

Јехова никогаш не нѐ остави (3:14)

Сар шај о родителија хем о чхаве те спреминен пе башо ситуацие кола со шај те керен ленге пхаро те ачховен неутрална?

Како да ја задржиш својата неутралност на јавни настани (4:25)

Дикх сар шај те сикава кај на сием дело таро свето кеда ваљани те ана одлука сави бути ка кера.

„Секој ќе го носи својот сопствен товар“ (Стражарска кула таро 15 март 2006)

Порано или покасно, секова јекх амендар ка доживинел противибе, па чак ка овел прогонимо. Дали ваљани те дара таро акава?

1. Соске на чудинела амен адава со ка ова прогониме?

И Библија јасно вакерела: „Сарине со мангена те живинен ко јекхипе е Христос Исусеа хем те обожавинен е Девле, ка овен прогониме“ (2. Тимотеј 3:12). О Исус сине прогонимо адалеске со на сине дело таро е Сатанаскоро свето. Амен да на сием дело таро акава свето, адалеске на чудинела амен кеда о владе хем о религиозна организацие прогонинена амен (Јован 15:18, 19).

2. Сар шај те спремина амен башо прогонство?

Важно тано панда акана те кера позорали амари доверба ко Јехова. Адалеске, одвојн туке време секова диве те молине тут леске, те читине нешто тари Библија хем те џа редовно ко состанокија. Са акала буќа ка ден тут и сила со ваљани туке те шај храбро те издржине о прогонство, чак кеда адава прогонство авела тари тли фамилија. О апостол Павле кова со сине бут пути прогонимо пишинѓа: „О Јехова тано адава со поможинела ман, нане те дарав“ (Евреите 13:6).

Исто аѓаар, адава со редовно ка проповедина ка бајрарел амари храброст. Кеда проповединаја амен сикљоваја те овел амен доверба ко Јехова хем те победина и дар таро мануша (Изреки 29:25). Ако панда акана сикљовеа храбро те проповедине, адава ка поможинел туке те на чхинаве те проповедине, чак ако о владе забранинена адава (1. Солуњаните 2:2).

3. Дали о прогонство шај те поможинел аменге ко несаво начин?

Џанѓола пе, амен на уживинаја те ова прогониме, ама ако истрајнаја ко прогонство амари вера ка овел позорали. Исто аѓаар, ка ова попаше е Јеховаја соске ка осетина сар ов ка дел амен сила кеда амен нане те овел амен више сила те продолжина. (Читин Јаков 1:2-4.) Е Јехова бут дукхала ле кеда дикхела сар амен цидаја муке, ама бут ценинела кеда истрајнаја хем ачховаја леске верна. И Библија вакерела: „Ако истрајно трпинена муке адалеске со керена нешто шукар, тегани о Девел тано бахтало“ (1. Петрово 2:20). Ако ачховаја верна, о Јехова ка наградинел амен хем ка дел амен вечно живото ко нево свето. Тегани, сарине со ка живинен адатхе ка служинен е Јеховаске хем никој нане те противинел пе ленге (Матеј 24:13).

ДОЗНАЈН ПОВИШЕ

4. Ачхов верно кеда тли фамилија ка противинел пе туке

О Исус шукар џанља кај несаве тари амари фамилија нане те манген те служина е Јеховаске. Читин Матеј 10:34-36, а пало адава керен лафи башо акава пучибе:

• Сар шај те реагиринел и фамилија ако некој одлучинела те служинел е Јеховаске?

ВИДЕОКЛИПИ: О Јехова прифатинѓа амен (5:13)

• Со ка кере ако некој тари фамилија или несаво амал ка пробинел те чхинавел тут те служине е Јеховаске?

Читин Псалм 27:10 хем Марко 10:29, 30. Пало секова стихо, керен лафи башо акава пучибе:

• Сар шај акава ветување те поможинел туке ако иси тут противибе тари фамилија или таро амала?

5. Ма чхинав те служине е Јеховаске ко прогонство

ВИДЕОКЛИПИ: Храбра иако прогониме (6:27)

• Сар о примерија таро видеоклипи дена тут храброст?

Читин Дела 5:27-29 хем Евреите 10:24, 25. Пало секова стихо, керен лафи башо акава пучибе:

• Соске тано бут важно те на чхинава те служина е Јеховаске, чак ако о проповедибе хем амаре состанокија тане забраниме?

6. О Јехова ка поможинел туке те ачхове верно

ВИДЕОКЛИПИ: О Јехова мло Девел ка дел ман сила (3:40)

• Со поможинѓа е пхраленге хем е пхењенге те ачховен верна?

Читин Римјаните 8:35, 37-39 хем Филипјаните 4:13. Пало секова стихо, керен лафи башо акава пучибе:

• Сар акава стихо уверинела тут кај шај те издржине секова пхарипа?

Читин Матеј 5:10-12, а пало адава керен лафи башо акава пучибе:

• Соске шај те ове бахтало, иако доживинеа прогонство?

СО СИКЛИЛЕМ

О Јехова бут ценинела со на чхинаваја те служина леске кеда сием прогониме. Ов ка поможинел аменге те ачхова верна!

Сар ка одговорине?

• Соске на чудинела амен адава со ка ова прогониме?

• Сар шај панда акана те спремина амен башо прогонство?

• Со уверинела тут кај шај те ачхове верно е Јеховаске ко секова пхарипа?

ИСТРАЖИН

Дикх со поможинѓа јекхе терне пхралеске те ачховел верно кеда сине ко затвор адалеске со сине неутрално.

Истрајуваме и покрај прогонството (2:34)

Сикљов сар шај те ове храбро ко прогонство.

„Спремин тут башо прогонство панда акана“ (Стражарско кула таро јули 2019)

Со шај те поможинел аменге кеда доживинаја прогонство тари фамилија?

„О чачипе на анела ’мир, него мачи‘“ (Стражарско кула таро октомври 2017)