Ту шај те проповедине хем те сикаве!

Кеда добинѓа задача таро Јехова, о Мојсеј мислинѓа кај нане доволно способно те керел ла (2Мо 4:10, 13). Дали ту да некогаш осетинѓан тут аѓаар? Дали проучинеа и Библија некасаја таро е Јеховаскере сведокија хем пучеа тут дали некогаш ка шај те проповедине таро кхер ко кхер? Или шај сиан терно хем дараја те сведочине ки школа. Или, палем, шај дараја те сведочине преку телефони или те учествујне ки служба ко прометна тхана. Молин е Јехова те дел тут свети дух (1Пе 4:11). Ов уверимо кај ов ка поможинел тут те кере секоја задача со ка дел тут (2Мо 4:11, 12).

ДИКХ О ВИДЕОКЛИПИ ОВ ХРАБРО... ОБЈАВИТЕЛИ, А ПАЛО АДАВА ОДГОВОРИН КО АКАЛА ПУЧИБА:

• Саво предизвик сине е пхења Аојама?

• Со денѓа ла сила хем храброст? (Ере 20:7-9).

• Сави корист сине ла таро адава со трудинѓа пе те керел повише ки служба башо Јехова?

• Саве предизвикија ки служба шај о Јехова те поможинел туке те накхаве?