Е Девлескере чудесна делија

1. Јехова Девла ту џанеа

кед пашљовава кед уштава ме.

Дикхеа хор ме мисле хем ме желбе

со ка пхенав ту веч џанеа

англедер.

Кед панда никој на дикхља ман,

ту свако кокало мандар гејнѓан.

Сар почминѓа мло живото џанеа.

Вилестар Девла туте ме

ка фалинав!

Тли мудрост бут бари тани Јехова,

ме чудинава ман диве хем рат.

Чак и кали пхув ман те учхарел ман,

ка аракхе ман сигурно сиум.

Нане ни јекх бути ни јекх тхан

сој тле јакхендар Девла гаравде.

Ни тели пхув, ни најупре ко небо,

ни хор пани ман тутар на

ка гаравел.