Koj tano paše e Devleja?

O Isus Hrist tano e Jehovaskoro Čhavo hem lekoro najpaše, najmanglo amal. Angleder te avel ki Phuv, o Isus sine upre ko nebo sar mokjno angeli (Jovan 17:5). Palo odova alo ki Phuv te sikavel e manušen o čačipe bašo Devel (Jovan 18:37). Isto agjaar dingja po dživdipe te spasinel sa e poslušno manušen taro grevo hem o meribe (Rimjanite 6:23). Akana o Isus tano Cari ili Thagari ko e Devleskoro Thagaripe, vlada taro nebo, so ka anel Raj ki celo Phuv (Otkrovenie 19:16).

O angelija isto agjaar tane paše e Devleja. O angelija nae bijame ki Phuv sar o manuša. O lende kjergja o Devel ko nebo angleder te kjerel i Phuv (Jov 38:4-7). Isi milionja angelija (Daniel 7:10). Ola so i tane e Devleja paše mangena o manuša te sikljoven o čačipe bašo o Jehova (Otkrovenie 14:6, 7).

O Devel, isto agjaar, tano paše disave manušencar ki Phuv; ov vikinela len ple svedokija. Jek svedoko ko sudo vakjerela nešto so džanela baši nekaste. E Jehovaskere svedokija vakjerena javerenge okova so džanena bašo o Jehova thaj leskiri namera (Isaija 43:10). Isto sar o angelija, o Svedokija mangena te pomožinen tuke te sikljove o čačipe bašo o Jehova. Mangena tuda te ove e Devleja paše.