Vizija so bajrarela amari vera

9:1-7

Zamislin tuke sar osetingja pe o Isus keda ki vizija kote so meningja plo izgled, šungja sar leskoro Dad taro nebo vakerela kaj ov tano sprema leskiri volja. Adala lafija sigurno ohrabringje e Isuse hem pomožingje le te izdržinel ko phare situacie so sine angli leste. Akaja vizija but vlijajngja upro Petar, Jakov hem Jovan. Akava uveringja len kaj o Isus tano čače o Mesija, hem kaj čače vredinela te ačhon leske poslušna. Okolu 32 berš palo adava, o Petar panda setinela pe sine ko akava nastan hem kaj adava kergja te ovel pobari leskiri vera ko bibliska proroštvija (2Pe 1:16-19).

Iako amen na dikhlem akaja vizija, avdive dikhaja sar ispolninela pe. O Isus vladinela sar mokjno Cari. Panda hari, ka cidel „ki konečno pobeda“ hem ka kerel te živina ko jekh nevo pravedno sveto (Ot 6:2).

Sar adava so dikhea sar ispolninela pe nesavo biblisko proroštvo bajrarela tli vera?