„Ki celi phuv sine samo jekh čhib“

11:1-4, 6-9

Ko Vavel, o Jehova kergja o neposlušna manuša te širinen pe ki celi Phuv agjaar so mešingja lengiri čhib. Avdive ov khedela jekh baro mnoštvo manuša taro sa o narodija hem čhibja. Ov sikavela len te keren lafi i „čisto čhib“ te šaj te „vikinen sarine o anav e Jehovaskoro hem te služinen leske složno“ (Sf 3:9; Ot 7:9). Akaja „čisto čhib“ tani o čačipe bašo Jehova hem baši leskiri namera koja so arakhljola ki Biblija.

Keda nekoj sikljola nevi čhib, nane dovolno samo te sikljol ki godi neve lafija. Ov sikljola te razmislinel ko nevo način. Slično agjaar, keda sikljovaja i čisto čhib e čačipaskiri, amari godi meninela pe (Ri 12:2). Akava tano postojano proces kova so kerela maškar e Devleskoro narodo te ovel jekhipe (1Ko 1:10).