Sar o rom hem i romni šaj te keren pumaro brako pozoralo

O Avraam hem i Sara tane šukar primer e bračno partnerenge so mangena pe hem so poštujnena pe (1Mo 12:11-13; 1Pe 3:6). Sepak, lengoro brako na sine sovršeno. Len sine len but nevolje ko životo. So šaj te sikljoven o rom hem i romni taro primer e Avraameskoro hem e Sarakoro?

But tano važno te keren lafi jekh jekhea. Ako tlo bračno partneri vakerela tuke nešto neljubezno adaleske soj tano nervirimo, ma vredžin tut nego sikav kaj haljovea le (1Mo 16:5, 6). Nakhen zaedno vreme. Tle lafencar hem tle postapkencar uverin tle bračno partnere kaj mangea le. A najviše taro sa, trudinen tumen solduj džene te ovel tumen šukar odnos e Jehovaja agjaar so ka proučinen zaedno, ka molinen tumen hem ka falinen le (Pro 4:12). O bahtale brakija anena čest e Jehovaske, kova so kergja akaja sveto vrska.

DIKH O VIDEOKLIPI SAR TE KEREN TUMARO BRAKO POZORALO, A PALO ADAVA ODGOVORIN KO AKALA PUČIBA:

• Ko akava zamislimo scenario, so sikavgja kaj o Šon hem i Kjara cidena pe jekh jekhestar?

• Soske tani važno i iskreno komunikacija ko brako?

• Sar o primer e Avraameskoro hem e Sarakoro pomožingja e Šoneske hem e Kjarake?

• So kergje o Šon hem i Kjara te šaj te keren pozoralo pumaro brako?

• Soske o rom hem i romni na valjani te adžikeren lengoro brako te ovel sovršeno?