Dali isi tut korist tari brošurka Diveskoro stiho?

Dali isi tut navika te čitine o biblisko stiho hem o komentari tari brošurka Diveskoro stiho? Ako na, dali šaj te počmine te kere adava? But džene čitinena o stiho sabajle, hem agjaar šaj te razmislinen baši leste celo dive (IsN 1:8; Ps 119:97). Sar šaj te ovel tut panda pobari korist taro čitibe e diveskoro stiho? Čitin o kontekst kotar soj lendo te šaj te džane nešto poviše. Trudin tut te setinen tut ko nesavo biblisko izveštaj soj tano povrzimo e biblisko načeloja kova soj istaknimo ko stiho. Palo adava razmislin sar šaj adava biblisko načelo te primeninele ko tlo životo. Keda anea odluke ko sklad e Devleskere Lafea, tegani mukhea ov te vodinel tut ko životo hem šaj čače te koristinel tuke (Ps 119:105).

O betelska familie ko celo sveto razgledinena e diveskoro stiho ki Sabalutni biblisko programa. Ko posledna berša, ko poviše čhibja sine čhivde komentarija tari sabalutni programa ko JW Broadcasting^® ko delo KONGRESIJA HEM NASTANIJA. Keda posledno puti dikhljan nesave lendar? Šaj nesave informacie soj tane vakerde adathe baš tuke valjanena. Na primer, sar šaj o izveštaj bašo Lot te pomožinel tuke keda anea odluke?

DIKH O VIDEOKLIPI MA MANGEN O SVETO (1JO 2:15), A PALO ADAVA ODGOVORIN KO AKALA PUČIBA:

• Ko kova biblisko načelo temelinela pe sine akaja Sabalutni biblisko programa?

• Sar o izveštaj bašo Lot sikavela amenge kobor tano opasno te manga o sveto ili adava soj ki leste? (1Mo 13:12; 14:12; 19:3, 12, 13, 24-26).

• Sar sikavaja kaj mangaja e Jehova, a na o sveto ili o bukja soj ki leste?