Trin načinija sar te ovel tut doverba ko Jehova

O David pobedingja e Golijate adaleske so sine le doverba ko Jehova (1Sa 17:45). O Jehova mangela te koristinel pli sila te šaj te pomožinel ple slugenge (2Le 16:9). Sar šaj amen te sikava kaj isi amen doverba ko Jehova namesto ko amaro lično iskustvo hem sposobnostija? Ake trin načinija:

• Molin tut često. Osven so ka moline tut o Jehova te prostinel tuke otkeda kergjan nesavi greška, isto agjaar rode sila te borine tut keda isi tut iskušenie (Mt 6:12, 13). Osven so ka moline tut o Jehova te blagoslovinel o odluke kola so više angjan len, isto agjaar rode vodstvo hem mudrost angleder te ane odluke (Jk 1:5)

• Neka ovel tut navika sekova dive te čitine hem te proučine i Biblija. Čitin i Biblija sekova dive (Ps 1:2). Razmislin bašo bibliska primerija hem primenin adava so sikljovea (Jk 1:23-25). Spremin tut baši služba namesto te potprine tut ko iskustvo so stekningjan le angleder. Neka ovel tut celosno korist taro sobraniska sostanokija agjaar so ka spremine tut bašo materijali angleder

• Sorabotin e Jehovaskere organizacijaja. Ov ko tek e upatstvoncar so dela e Jehovaskiri organizacija hem odma primenin len (4Mo 9:17). Šun e starešinen keda dena sovetija hem upatstvija (Ev 13:17)

DIKH O KLIPI NANE PRIČINA TE DARA TARO PROGONSTVIJA, A PALO ADAVA ODGOVORIN KO AKALA PUČIBA:

• Bašo so darandile o phralja hem o phenja?

• So pomožingja lenge te nakhaven i dar?