Korisna bukja ki publikacija Ov bahtalo zasekogaš

Dali uživinea džikote koristinea o klipija hem o pučiba taro lil Ov bahtalo zasekogaš? So mislinea bašo delo „Nesave šaj vakerena“, „Cel“ hem „Istražin“? Kola javera bukja šaj te pomožinen tuke džikote vodinea biblisko kursi? (Mt 28:19, 20).

Multimedija: Sar šaj polokheste te phrave sa o klipija hem o javera sodržine džikote vodinea biblisko kursi taro pečatimo izdanie? Ko elektronsko izdanie, birin jekh taro štar delija. Najtele taro spisako e temencar, ki Multimedija, šaj te arakhe sa o videa hem o statie bašo adava delo. (Dikh i slika 1.)

„Pečatimo izdanie“: Ako proučinea nekasaja taro elektronsko ured, ponekogaš šaj te pomožinel tuke ako koristinea i opcija „Pečatimo izdanie“. Adava šaj te kere ako ki lekcija upre, mečinea ko trin točke hem birinea „Pečatimo izdanie“. Akava šaj te pomožinel tuke džikote proučinea pošukar te razmisline sar o materijali tano povrzimo e temaja tari adaja lekcija. Te šaj te irane tut palem ko elektronsko izdanie, dža ko trin točke hem birin „Elektronsko izdanie“.

„Dali sium spremno?“: Akala ramke ko krajo taro lil istakninena kola važna bukja valjani te keren pe te šaj nekoj te počminel te džal ki služba zaedno e sobraniea hem te krstinel pe. (Dikh i slika 2.)

Fusnote: O fusnote dena objasnuvanje bašo materijali povrzimo nesave važno temaja. Ko elektronsko izdanie ko krajo tari fusnota isi linko kova so ka ingarel tut ki lekcija kote so ačhiljan. (Dikh i slika 2.)