20-26 JANUARI

BARVALIPA TARO E DEVLESKORO LAFI

1. Ma dozvolin i trema te čhinavel tut

(10 min.)

Mangaja celo vilea te falina e Jehova (Ps 138:1)

Ako isi tut trema te komentirine ko sostanok, neka ovel tut doverba kaj o Jehova ka pomožinel tut (Ps 138:3)

I trema šaj te ovel šukar znako (Ps 138:6; w19.01 10, pas. 10)

Jekh phen vazdela plo vas te del komentari ko jekh sostanok.

PREDLOG: Ako daja kratka komentarija, adava šaj te pomožinel amen te ovel amen pohari trema (w23.04 21, pas. 7).

2. Duhovna biserija

(10 min.)

Ps 139:21, 22 — Dali taro hristijanja rodela pe te prostinen sekaske? (w97-MC 1/12 19, pas. 15)

Tlo odgovor
Kola duhovna biserija taro čitibe i Biblija akale kurkeske mangea te vakere len?

Tlo odgovor

3. Čitibe i Biblija

(4 min.) Ps 139:1-18 (th lekcija 2)

DE TUTAR SA KI SLUŽBA

4. Te počmina razgovorija

(3 min.) SVEDOČIBE KO JAVNA THANA. (lmd lekcija 2: točka 3)

5. Te vodina bibliska kursija

(4 min.) SVEDOČIBE KO JAVNA THANA. Nudin biblisko kursi hem sikav e manušeske sar izgledinela adava. (lmd lekcija 10: točka 3)

6. Govor

(5 min.) ijwyp-MC statija 105 — Tema: Sar te pobedinav i ladž? (th lekcija 16)

TE ŽIVINA SAR HRISTIJANJA

7. Šaj te uživine ki služba iako sian ladžutno

(15 min.) Diskusija.

Dali sian ladžutno? Dali obično mangea o javera te na primetinen tut? Dali osetinea sar te phene isi tut krpa ko krlo keda razmislinea kaj valjani te kere lafi anglo javera? Ponekogaš keda siem ladžutne adava šaj te čhinavel amen te kera bukja kola so bi mangaja te kera len. Sepak, but džene so sine ladžutne uspejngje te učestvujnen ki služba, pa čak te uživinen ki late. So šaj te sikljova lendar?

Mukh o VIDEOKLIPI Dava mandar sa iako sium ladžutni. Palo adava puč:

Sar e phenjake Li koristingja adava so primeningja o sovet ple babakoro „te posvetinel plo životo ki služba e Jehovaske“?

Tlo odgovor

I Biblija sikavela kaj o Mojsej, o Eremija hem o Timotej šaj sine ladžutne (2Mo 3:11; 4:10; Ere 1:6-8; 1Ti 4:12). Sepak, ola šaj sine te završinen bare zadače ki služba bašo Jehova adaleske so ov sine lencar (2Mo 4:12; Ere 20:11; 2Ti 1:6-8).

Slike: 1. O Mojsej ikerela duj ploče kote soj pišime o deš zapovedija. 2. O Eremija molinela pe. 3. O Timotej čitinela taro spisija.

Čitin Isaija 43:1, 2. Palo adava puč:

So vetingja o Jehova ple slugenge?

Tlo odgovor

Sar šaj o Jehova avdive te pomožinel okolenge soj ladžutne te uživinen ki služba?

Mukh o VIDEOKLIPI Tlo krstibe ka kerel tut pobahtalo — izvadok. Palo adava puč:

Sar i phen Džekson osetingja kaj o Jehova dela la sila hem poddržinela la ki služba?

Tlo odgovor
Sar i služba šaj te pomožinel nekaske soj ladžutno?

Tlo odgovor

8. Sobranisko proučibe i Biblija

(30 min.) bt-MC pogl. 21, pas. 8-13, hem i ramka ki str. 169