O Jehova dela amen spasiteli

29 O prvo duhovno angjeli so kjerga o Devel, tano leskoro prvobijando čhavo.

O Devel but mangelale thaj ka koristinele te uništinel sa e bilačhe manušen, a te spasinel e poslušnon (Jovan 3:16, 36).

30 O Jehova bičhalgja pe čhave te bijangjol ki Phuv. O anav leskoro sine Isus. I daj leskiri sine i Marija (Luka 1:30-35).

31 Kjeda o Isus barilo, ov sikavgja e manušen but šukar bukja. Ov sikavgja kaj o Jehova tano čačutno Devel (Marko 12:29, 30).

O Isus vakjergja kaj valjani samo e Jehova te obožavina (Matej 4:10; Jovan 4:23, 24).

Ov isto agjaar sikavela sine e manušen bašo e Jehovaskoro thagaripe (Luka 17:20, 21).

32 O Isus sasljarela sine e nasvalen thaj kjergja but šukaripe e manušengje. Ov nakjergja lošna bukja (Dela 10:38; 1. Petrovo 2:21, 22).

Ama sar ov spasingja amen taro grevo hem o meribe?

33 Ov mora sine te del žrtva e Devleske te šaj te spasinel e šukar manušen. Poangle o Devel vakjergja e manušengje te žrtvujnen životne bašo lengjere grevija (Evreite 7:25, 27).

34 O Isus na dingja žrtva životnen. Ov dingja korkoro peste sar žrtva amengje (Matej 20:28; Evreite 10:12).

Džanea li soske?