TE ŽIVINA SAR HRISTIJANJA
Te sikava šukar manirija keda siem anglo udar
Sarine dikhena adava so kerena e Devleskere sluge (1Ko 4:9, fus.). Adaleske, na valjani te ova iznenadime keda nesave stanarija dikhena amen taro džami ili šunena amen palo udar. Nesave khera šaj isi len bezbednosna kamere hem mikrofonija kolencar so šaj te šunen amen, te dikhen amen hem te sniminen amen. Ake nesave predlogija sar šaj te sikava šukar manirija keda siem anglo udar (2Ko 6:3).
AMARE PONAŠIBAJA (Fp 1:27):
Te sikava kaj poštujnaja e stanareskiri privatnost adalea so nane te zirkina ko lengere khera avrijaldan. Ma te ha, ma te pija, ma te kera lafi ko telefoni hem ma te pišina porake džikote siem anglo udar.
AMARE LAFENCAR (Ef 4:29):
Keda siem anglo udara na valjani te vakera ništo so na mangaja te šunel o stanari. Nesave objavitelija na kerena lafi pe partnerea keda tane anglo nekaskoro udar te šaj te razmislinen so mangena te vakeren e stanareske.