Ker pošukar i služba — povtorno poseta

SOSKE TANO VAŽNO: But manuša kola so sikavena interes baši poraka bašo Carstvo rodena o čačipe bašo Devel (Isa 55:6). Te šaj postepeno te sikava len bašo čačipe, mora redovno te posetina len. O manuša isi len različna problemija, adaleske valjani te prilagodina o način sar sikavaja len. Ama, ka ova pošukar ki služba ako šukar spreminaja amen hem sekogaš isi amen ki godi so mangaja te kera sekole posetaja. Amari posledno cel valjani te ovel te počmina biblisko kursi.

SAR TE KERA ADAVA:

• Trudin tut so posigate te kere povtorno poseta, ako šaj palo nekobor dive (Mt 13:19)

• Ov opuštimo, ponašin tut sar amal hem sikav poštovanje e stanareske

• Počmin agjaar so ka pozdravine ljubezno e stanare hem vaker leskoro anav. Setinker le soske palem aljan — šaj te odgovorine ko nesavo leskoro pučibe, te de le o neve spisanija, te sikave leske amari internet-stranica, te mukhe leske videoklipi ili te sikave leske sar izgledinela jekh biblisko kursi. Ako dikhea kaj e stanare interesinela le javer tema, tegani keren lafi baši late (Fp 2:4)

• Vaker nesavi misla tari Biblija hem dikh dali valjani te mukhe nesavi publikacija. Agjaar ka čhive pani ko seme e čačipaskoro so sadingjan le ko vilo e manušeskoro (1Ko 3:6). Trudin tut te ove popaše lea

• Phrav tuke drumo bašo javer puti