Ma širin hovajba

Avdive, jekh informacija šaj but sigate te resel dži ko milionja manuša ko razna načinija. Amen služinaja e Jehovaske, „o Devel e čačipaskoro“, adaleske na mangaja te širina informacie kola so nane točna hem pazinaja te na kera adava čak nenamerno (Ps 31:5; 2Mo 23:1). O hovajbe kova soj prenesimo e javerenge šaj te anel bari šteta. Te šaj te procenine dali nesavi informacija tani čače, puč tut:

• Dali avela taro doverlivo izvor? Adava so vakerela i informacija, šaj ni na džanela sa o faktija. Keda o manuša prenesinena jekh informacija taro manuš ko manuš, isi bare šanse te ovel menimi. Adaleske, pazin ako na džanea kotar avela adaja informacija. Okola so isi len odgovorna zadače ko sobranie posebno valjani te pazinen te na vakeren informacie kola so nane proverime, soske o phralja hem o phenja isi len doverba ko adava so šunena lendar.

• Dali adale informacijaja kaljarela pe nekaskoro anav? Ako kaljarela pe nekaskoro anav ili mukhela pe lošno vpečatok baši nesavi grupa manuša, tegani najšukar tano te na širina asavki informacija (Iz 18:8; Fp 4:8).

• Dali adaja informacija zvučinela nevozmožno? Ov vnimatelno keda šunea vozbudliva ili but interesna paramisa hem iskustvija.

DIKH O VIDEOKLIPI SAR TE ČHINAVAV O OGOVORIBE? A PALO ADAVA ODGOVORIN KO AKALA PUČIBA:

• 

  Sprema Izreki 12:18, savi šteta šaj te keren o lafija?

• 

  Sar adava so pišinela ko Filipjanite 2:4 pomožinela amenge te procenina so ka kera lafi bašo javera?

• 

  So valjani te kera keda nekoj ka počminel te kerel sarkastično ili negativno lafi bašo javera?

• 

  Angleder te počmina te kera lafi bašo javera, kola pučiba valjani te puča amen?