TE ŽIVINA SAR HRISTIJANJA
Amare kongresija — prilike te sikava mangipe
Soske uživinaja doborom but ko amare kongresija? Isto sar so sine ko praznikija ko purano Izrael, ko kongresija isi amen prilika te obožavina e Jehova amare phralencar hem phenjencar. Adathe dobinaja but šukar duhovno hrana koja so pomožinela amenge te ačhova paše e Jehovaja. Isto agjaar, bahtale siem so šaj te nakhava vreme amare amalencar hem amare familijaja. Adaleske so but ceninaja amare kongresija, mangaja te ova prisutna ki lende o sotrin dive.
Ko asavke prilike, keda khedaja amen zaedno, na valjani te mislina samo ko adava so šaj te dobina amen, nego hem ko adava sar šaj amen te sikava mangipe e javerenge (Ga 6:10; Ev 10:24, 25). Keda ikeraja o udar amare phraleske ili phenjake hem keda astaraja thana samo kobor so valjani, sikavaja adalea kaj amen siem zainteresirime e javerenge (Fp 2:3, 4). Ko kongresija isi amen prilika te kera neve amalipa. Angleder hem pali programa, hem ki pauza, šaj te čhiva amenge cel te zapoznajna neve amalen (2Ko 6:13). Asavke amalipa šaj te trajnen večno! A soj najvažno taro sa, keda o javera ka dikhen o mangipe so vladinela maškar amende, šaj ka mangen ola da zaedno amencar te služinen e Jehovaske (Jvn 13:35).
DIKH O VIDEOKLIPI MEGJUNARODNA KONGRESIJA „O MANGIPE NIKOGAŠ NA ČHINAVGJOLA!“, A PALO ADAVA ODGOVORIN KO AKALA PUČIBA:
Sar o phralja hem o phenja sikavgje mangipe e delegatenge taro javera phuvja kola so ale ko megjunarodna kongresija ko 2019 berš?
Soske o jekhipe hem o mangipe ko e Jehovaskoro narodo tano nešto posebno?
Kola bukja istakningja o Vodečko telo bašo hristijansko mangipe?
Sar šaj te sikave mangipe keda sian ko nesavo kongres?
Sar o čačutno mangipe kergja te oven ko jekhipe amare phralja ki Germanija hem ki Južno Koreja?
Ko so valjani te ova rešime?