Dali spreminea tut baši Spomen-svečenost?

Ki posledno Pasha e Isuseskiri slučingja pe nešto posebno. Adaleske so panda hari valjangja te merel, ov manglja te slavinel i Pasha zaedno ple apostolencar hem te vospostavinel jekh nevo nastan kova so ka valjani sekova berš te slavinen, e Gospodareskiri večera. Adaleske bičhalgja e Petare hem e Jovane te spreminen jekh soba (Lk 22:7-13; dikh i slika tari naslovno strana). Akava amende da pottikninela te spremina amen baši Spomen-svečenost so ka ikerel pe ko 27 mart. O sobranija najverojatno više kergje nesave planija bašo govorniko, bašo simbolija hem bašo nesave javera bukja. Ama, so šaj sekova jekh amendar te kerel te šaj te spreminel pe baši Spomen-svečenost?

Spremin tlo vilo. Sledin o posebno raspored bašo čitibe i Biblija baši Spomen-svečenost hem hor razmislin bašo adava so čitingjan. Akava raspored šaj te arakhe le ki brošurka Diveskoro stiho. Jekh podetalno raspored šaj te arakhe ko delo 16-A hem 16-B tari brošurka Da ja istražuvame Božjata Reč. (Dikh hem Amaro životo hem služba — listija spremibaske taro april 2020.) O familie šaj zaedno te istražinen ki pli Familijarno rat kobor tani važno i otkupnina. Informacie bašo adava šaj te arakhen ko Priračnikot za istražuvanje na publikaciite na Jehovinite svedoci.

Kanin e javeren ki Spomen-svečenost. Učestvujn kobor so šaj poviše ki akcija baši Spomen-svečenost. Razmislin kas šaj te kanine, na primer, nekas so posetinea, nekas so angleder proučingjan lea i Biblija, tle familija ili javeren so pendžarea. O starešine valjani te kaninen okolen soj tane neaktivna. Ako mangea nekas te kanine ama na živinela ko isto than kote so tu živinea, tegani šaj te dža ki jw.org ko delo AMENGE kova so arakhljovela upre tari internet-stranica hem mečin ko „Spomen-svečenost“. Adathe šaj te doznajne kote hem ko kova vreme ka ikerel pe i Spomen-svečenost ko than kote so ov živinela.

Save javera bukja šaj te kera te šaj te spremina amen baši Spomen-svečenost?