Vaker o šukar haberi kaj jekh pošukar sveto tano paše!

Ko noemvri, posebno ka trudina amen te vakera o šukar haberi kaj jekh pošukar sveto tano paše (Ps 37:10, 11; Ot 21:3-5). Ker promene ko tlo raspored te šaj te učestvujne so šaj poviše ki akaja akcija. Ako mangea te služine sar pomošno pioneri adava masek, šaj te birine dali ka dža 30 ili 50 saatija ki služba.

Spremin tuke jekh stiho bašo nevo sveto so šaj te spodeline so šaj poviše manušencar ko tlo podračje. Keda ka birine biblisko stiho, razmislin so šaj te ovel privlečno e manušenge ko tlo podračje. Ako nekoj sikavela interes keda kerea lafi lea prvo puti, nudin o spisanie Stražarsko kula br. 2, 2021. Palo adava so šaj posigate ker povtorno poseta hem trudin tut te počmine biblisko kursi e brošuraja Ov bahtalo zasekogaš. Nane pobaro bahtalipe taro adava te vakere „o šukar haberi bašo nešto pošukar“ (Isa 52:7).

DIKH O MUZIČKO SPOTI TARI GILI VO RAJOT PREKRASEN, A PALO ADAVA ODGOVORIN KO AKALA PUČIBA:

• Baši savi šuži idnina razmislinela peske jekh tikni čhaj?

• So posebno očekujnea ko nevo sveto?

• Sar adava so ka razmisline baši tli nadež ka pomožinel tuke te spremine tut celosno te učestvujne ki akcija so ka ovel noemvri? (Lk 6:45).