Ekonomska problemija — so ka kerel e Devleskoro Carstvo

But manuša ko celo sveto mučinena pe te ikljoven ko krajo finansiski, a i situacija ovela sa pološno.

• Sprema jekh izveštaja, „o manuša šaj sa pohari hem pohari te kinen e parencar so zarabotinena len“. O izveštaj predupredinela kaj ako na kerela pe ništo, „sa pobari ka ovel i razlika maškar o barvale hem o čorole“ hem ka perel o standard bute familiengoro.

Dali o vlade ka uspejnen te rešinen akaja bari ekonomsko kriza, ili te lokhjaren o bukja e manušenge?

Ki Biblija pišinela kaj isi jekh vlada koja so šaj te rešinel sa o ekonomska problemija, kote soj vklučimi i bari razlika maškar o barvale hem o čorole hem koj ka kerel adava. Oj vakerela kaj „o nebesno Devel ka vazdel carstvo“ ili Vlada koja so ka vladinel ki celi phuv (Daniel 2:44). Keda ka vladinel akava Carstvo, nikoj nane te ovel bisterdo ili mukhlo korkori (Psalm 9:18). Sarine so ka živinen ko adava vreme ka ovel len sa so valjani lenge te šaj te oven srekjna. Sekova jekh ka uživinel ko adava so ka kerel (Isaija 65:21, 22).