Isi li nadež kaj ka ovel pošukar ko 2024 berš — So vakerela i Biblija?

But džene mislinena kaj ni ko 2024 berš nane te ovel rešenie bašo problemija so isi ko celo sveto. Ama, šaj te ovel amen nadež baši idnina. Sar?

I Biblija dela nadež

I Biblija vetinela kaj o Devel ka čhivel krajo e problemenge kola so kerena te na ovel amen nisavi nadež. Panda hari, o Devel „ka kosel sekoja asvin taro [amare] jakhja, hem meribe nane te ovel više, ni žalibe, ni rojbe, ni dukha“ (Otkrovenie 21:4).

• Te šaj poviše te doznajne bašo adava so vetinela i Biblija baši idnina, čitin i statija „Patot do srekjata — nadež“.

Sar šaj i Biblija te pomožinel tut avdive

I Biblija dela nadež baši idnina koja so šaj te pomožinel tut te borine tut e negativno čuvstvoncar hem te ovel tut popozitivno stavi (Rimjanja 15:13). O praktična sovetija tari Biblija isto agjaar šaj te pomožinen tut te ikljove ko krajo e problemencar so šaj isi tut, sar soj čorolipe, nepravda hem nasvalipe.

• Dikh sar i nadež tari Biblija pomožingja jekhe manušeske te arakhel mir hem srekja iako barilo ki čoroli familija. Dikh o videoklipi Huan Pablo Sermenjo: O Jehova dengja man smisla ko životo.

• Doznajn sar šaj i Biblija te pomožinel tut te ikljove ko krajo keda osetinea tut krivo, tažno, sekirimo hem keda merela tutar nekoj paše. Čitin i statija „Mogu li pronaći utehu u Svetom pismu?“

• Dikh sar jekh džuvli, koja so poangle služinela sine ki vojska hem vakergja kaj sine negativno hem bizo čuvstvija, arakhlja nadež ki Biblija. Dikh o videoklipi Odložila sam oružje

Trudin tut o 2024 berš te ovel šukar tuke hem tle familijake. Doznajn poviše sar šaj i Biblija te pomožinel tuke. Rode te ovel tut besplatno biblisko kursi. Doznajn sar šaj o Devel te del tut mir akana, a isto agjaar „idnina hem nadež“ (Eremija 29:11).