Ov odlučno

So kergja o Isus?

VIDEOKLIPI: O Isus sikavela e Nikodime

1. Dikh o VIDEOKLIPI ili čitin Jovan 3:1, 2. Palo adava razmislin bašo akala pučiba:

1. a) So mislinea, soske o Nikodim gelo ko Isus rakjate? (Dikh Jovan 12:42, 43.)

2. b) Sar o Isus adalea so kergja lafi e Nikodimea rakjate sikavgja kaj tano odlučno te kerel učenikija?

So sikljovaja taro Isus?

2. Sikavaja kaj mangaja e manušen adalea so siem odlučna te pomožina lenge te oven e Isuseskere učenikija.

Dža palo e Isuseskoro primer

3. Proučin e interesentea ko vreme hem than so leske odgovorinena. Leske šaj poviše odgovorinela nesavo odredimo dive ili saati. Dali bi ovela leske pošukar te proučinen ki buti, khere ili ko nesavo javno than? Kobor so šaj, menin tlo raspored te šaj te proučine e interesentea keda leske odgovorinela.

4. Proučinen redovno. Ako planirinea te dža negde ili iklilo tuke nešto, ma otkažin o biblisko kursi. Namesto adava razmislin bašo akala predlogija:

1. a) Dali adava kurko šaj te proučinen ko nesavo javer dive?

2. b) Dali šaj te proučinen preku telefoni ili internet?

3. v) Dali šaj te puče nesave objavitele te proučinel lea?

5. Molin tut te ovel tut ispravno stavi. Molin e Jehova te pomožinel tut ma te vazde tle vasta sigate taro interesenti, čak ako o biblisko kursi nane redovno ili ako na primeninela odma adava so sikljola (Fil. 2:13). Verojatno tle interesente isi le šukar osobine, adaleske molin e Jehova te pomožinel tut te koncentririne tut ki lende.