• Sikljov taro e Isuseskoro potikno phral
    Stražarsko kula (Bašo proučibe) 2022 | Januari

    • AČHOV PONIZNO SAR O JAKOV

      O Jakov kerela sar stolari buti, a o Isus kova so voskresningja kerela lea lafi.

      Keda o Isus pojavingja pe e Jakoveske, ov ponizno prifatingja kaj ov tano o Mesija hem ulo leskoro verno učeniko (Dikh ko pasusija 5-7)

      5. So kergja o Jakov otkeda o Isus voskresningja hem pojavingja pe leske?

      5 Keda ulo o Jakov e Isuseskoro verno sledbeniko? Otkeda o Isus voskresningja „pojavingja pe e Jakoveske, a palo adava sa e apostolenge“ (1. Kor. 15:7). Otkeda slučingja pe adava, e Jakoveskoro životo skroz meningja pe. Ov sine zaedno e javere apostolencar ki jekh upruni soba ko Erusalim džikote adžikerena sine te dobinen o sveti duh (Dela 1:13, 14). Palo nesavo vreme, e Jakove sine le bari čest te služinel sar členi ko vodečko telo taro prvo veko (Dela 15:6, 13-22; Gal. 2:9). Hem otprilika angleder 62 berš a.e., o Devel koristingja le te pišinel jekh pismo e pomazime hristijanenge. Akava pismo pomožinela amenge da avdive, bizi razlika dali isi amen nadež te živina večno ko nebo ili ki Phuv (Jak. 1:1). Sprema o istoričari Josif Flavij, o evrejsko prvosvešteniko o Ana (Ananija), naredingja o Jakov te ovel mudardo. O Jakov ačhilo verno e Jehovaske dži ko krajo taro plo životo ki Phuv.