Pomoš ko katastrofe — delo tari sveto služba

8:1-4; 9:7

Amari služba isi la duj glavna karakteristike. Tari jekh strana, o Jehova dengja amenge i „služba te pomožina e javerenge te smirinen pe lea“, a adava tano o propovedibe hem o sikajbe. Ama, tari javer strana, valjani te služina amare phralenge hem phenjenge ko sobranie (2Ko 5:18-20; 8:4). Adaleske, keda pomožinaja amare phralenge so doživinena katastrofe, keraja sveto služba. Agjaar amen...

• pomožinaja lenge te ovel len adava so valjani lenge (2Ko 9:12a).

• pomožinaja lenge palem te iranen pe ko pumare duhovna aktivnostija, ko kova tano vklučimo o propovedibe sar znako baši lengiri blagodarnost sprema o Jehova (2Ko 9:12b).

• falinaja e Jehova (2Ko 9:13). Keda pomožinaja jekh jekheske, adalea daja svedoštvo sa e manušenge, maškar kola tane hem adala so nane len šukar mislenje baši amende.