O hovavne religie „meningje o čačipe bašo Devel hovajbaja“ (Rimjanite 1:25). Na primer, but religie na sikavena bašo e Devleskoro anav. Ama, i Biblija vakerela kaj mora te koristina e Devleskoro anav (Rimjanite 10:13, 14). Keda slučinena pe lošna bukja, nesave verska vodačija vakerena kaj adava tano e Devleskiri volja. Ama, adava tano hovajbe. O Devel nikogaš na kerela lošnipe. (Čitin Jakov 1:13.) Žalno tano adava so o hovajba so vakerena len o hovavne religie cidingje e manušen taro Devel.

4. Koj tano odgovorno bašo amare muke?

But džene verujnena kaj o Devel vladinela akale svetoja. Ama, dali adava tano čače? Dikh o VIDEOKLIPI.

VIDEOKLIPI: Koj vladinela e svetoja? (1:24)

Čitin Jakov 1:13 hem 1. Jovanovo 5:19, a palo adava keren lafi bašo akava pučibe:

• Dali o Devel tano odgovorno bašo lošnipe hem o muke?