• So ako kergjan seriozno grevo?
    Ov bahtalo zasekogaš — biblisko kursi

    • 4. O isklučibe pomožinela e grešnikoske hem zaštitinela o sobranie

      Ako nekoj so kergja seriozno grevo na mangela te živinel sprema e Jehovaskere merilija, ov ka ovel cidimo taro sobranie hem amen na družinaja amen lea. Čitin 1. Korinkjanite 5:6, 11, a palo adava keren lafi bašo akava pučibe:

      • I Biblija vakerela: „Hari kvasaco ušljarela celo humer“. Sprema akaja sporedba, sar ka vlijajnel upro celo sobranie ako družinaja amen e grešnikoja kova so na kainela pe?

      Adalea so sikavena milost sar o Jehova e nesovršena grešnikonge, o starešine resena dži ko vilo hem pomožinena okolenge soj cidime taro sobranie. Soske? Iako osetingje bari dukh adaleske so sine cidime taro sobranie, sepak adava pomožingja lenge te haljoven kaj adava so kergje sine pogrešno (Psalm 141:5).

      Sar o način sar o Jehova postapinela e grešnikoncar sikavela kaj tano razumno, milostivo hem sikavela mangipe?

      5. O Jehova prostinela amenge keda kainaja amen

      O Isus vakergja jekh sporedba koja so pomožinela amenge te haljova sar o Jehova osetinela pe keda nekoj kainela pe. Čitin Luka 15:1-7, a palo adava keren lafi bašo akava pučibe:

      • So sikavela tuke akaja sporedba bašo Jehova?

      Čitin Ezekiel 33:11, a palo adava keren lafi bašo akava pučibe:

  • Ačhov verno e Jehovaske
    Ov bahtalo zasekogaš — biblisko kursi

    • 1. Sar šaj o javera te keren amenge pharo te ačhova verna e Jehovaske?

      Nesave manuša mangena te čhinaven amen te služina e Jehovaske. Koj tane adala manuša? Na primer, šaj te oven o otpadnikija — manuša kola so čhinavgje te služinen e Jehovaske hem akana vakerena hovajba baši leskiri organizacija, adaleske so mangena te uništinen amari vera. Isto agjaar, nesave religiozna vodačija širinena hovajba baši amende. Ako na pazinaja šaj te pera ki zamka te verujna ki lende hem te mukha o čačipe. Adaleske, opasno tano te kera lafi akale protivnikoncar, te čitina lengere lila, te čitina adava so čhivena ko internet ili te dikha lengere videoklipija. Najšukar tano te šuna e Isuseskere lafija: „Mukhen len. Ola tane korole vodačija. A keda korolo ka vodinel korole, o solduj ka peren ki dupka“ (Matej 15:14).

      2. Sar šaj amare odluke te sikaven kaj siem verna e Jehovaske?

      O mangipe sprema o Jehova ka pottikninel amen te cida amen taro sa soj tano povrzimo e hovavne religijaja. Adaleske, keda valjani te ana odluke bašo adava savi buti ka kera ili dali te ova delo tari nesavi organizacija, mora te pazina ola te na oven povrzime e hovavne religijaja. Amen mangaja te cida amen taro sa so šaj te povrzinel amen e hovavne religijaja. O Jehova pottikninela amen: „Ikljoven [taro Baro Vavilon], mlo narodo“ (Otkrovenie 18:2, 4).

      DOZNAJN POVIŠE

      So šaj te pomožinel tuke te ačhove verno e Jehovaske čak ako nekoj kerela tuke pharo adava? Sar adava so ka ikljove taro Baro Vavilon ka sikavel kaj sian verno e Jehovaske?

      3. Arakh tut taro okola so širinena hovajba

      So valjani te kera ako šunaja negativna informacie baši e Jehovaskiri organizacija? Čitin Izreki 14:15, a palo adava keren lafi bašo akava pučibe:

      • Soske na valjani te verujna ko sa so šunaja?

      Čitin 2. Jovanovo 9-11, a palo adava keren lafi bašo akala pučiba:

      • Sar valjani te ponašina amen sprema o otpadnikija?

      • Sar šaj te mukha o otpadnikija te vlijajnen upri amende iako nane amen direktno kontakt lencar?

      • So mislinea, sar bi osetinela pe o Jehova ako mangaja te šuna negativna informacie baši leste ili baši leskiri organizacija?

      4. Ačhov verno e Devleske keda nekoj taro sobranie grešinela