TE ŽIVINA SAR HRISTIJANJA
„Ciden tumendar e hovavne devlen“
O Jakov džanlja kaj o Jehova zaslužinela o manuša te služinen samo leske, iako na sine panda zakoni kova so zabraninela sine o idolopoklonstvo (2Mo 20:3-5). Adaleske, otkeda o Jehova zapovedingja e Jakoveske te iranel pe ko Vetil, ov vakergja ple kherutnenge te ciden o idolija. Palo adava, ov frdingja sa e idolen, maškar kola so sine hem o čejna so verojatno phiravena pe sine sar amajlie (1Mo 35:1-4). O Jehova sigurno sine but bahtalo bašo adava so kergja o Jakov.
Sar šaj avdive te sikava kaj služinaja samo e Jehovaske? Jekh važno buti tani te izbegina sa kote so isi idolopoklonstvo hem spiritizam. Adava značinela te cida amendar sa o bukja soj tane povrzime natprirodna silencar hem vnimatelno te birina amari zabava. Na primer, puč tut: „Dali mangava te čitinav lila ili te dikhav filmija kote so isi vampirija, zombija ili nesave natprirodna bukja? Dali ki lende o magie tane sikavde sar zabava so nane opasno?“ Valjani te cida amen taro sa o bukja so mrzinela o Jehova (Ps 97:10).
DIKH O VIDEOKLIPI „PROTIVINEN TUMEN E BENGESKE“ KOVA SO TEMELINELEPA KO ZAMISLIMO SCENARIO, A PALO ADAVA ODGOVORIN KO AKALA PUČIBA:
Save problemea soočingja pe jekh interesentka so vikinela pe Palesa?
Soske tano mudro te rodel pe pomoš taro starešine ako isi nekas problemija spiritističko bukjencar?
Protivinen tumen e Bengeske, hem oven paše e Devlea (Jk 4:7, 8).
Taro save bukja valjani celosno te oslobodina amen ako mangaja e Jehovaskiri zaštita?
Save odlučna postapke kergja i Palesa?
Sar šaj te zaštitine tut taro vlijanie e demonengoro?