Pottiknin adalen so šunena tut

Izr. 3:1

SO TE KERE: Pomožin e manušenge so šunena tut te haljoven kobor tano važno adava so sikljovena hem te postapinen agjaar.

SAR TE KERE ADAVA:

• Pomožin e manušenge so šunena tut te ispitinen pe. Puč pučiba kola so ka pomožinen e manušenge te ispitinen pe hem te dikhen so isi len ko vilo.

• Sikav doverba kaj adala so šunena tut mangena te postapinen ispravno. Pottiknin len te razmislinen soske kerena šukar bukja. Pomožin lenge te mangen te keren o bukja taro ispravna motivija — taro mangipe sprema o Jehova, sprema o manuša hem sprema o čačipe tari Biblija. Namesto te ikere lenge lekcie, pomožin lenge te haljoven kobor tano mudro adava so pišinela ki Biblija. Ma ker te osetinen pe kriva ili te ladžan, nego trudin tut ko krajo taro govor te oven ohrabrime hem pottiknime te den plo najšukar.

• Pomožin lenge te razmislinen bašo Jehova. Istaknin sar taro sikljojba, načelija hem zapovedija soj pišime ki Biblija dikhena pe e Jehovaskere osobine hem leskoro mangipe sprema amende. Pottiknin len te razmislinen sar osetinela pe o Jehova hem te mangen te keren adava so mangela ov.