O magie tane lošna

O Satana mangela te kjere magie. O manuša kjerena but običaja e mulenge te šaj te zaštitinenpe taro lošnipe. Odova kjerena odoleske so darana taro duho e muleskoro. Phiravena razna amajlie te zaštitinenpe. Disave manuša džana ko odola so kjerena magie hem lena „pani“ kova so piena ili prskinenape. Ko ple khera garavena bukja so mislinena kaj arakhenalen taro nešto lošno. Ola verunjena kaj asavke bukja ka anel lenge uspeh ki buti, ki škola ili kjeda udvarinenape nekaske.

Ako sijan paše e Jehovaja, odova tano najšukar zaštita taro Satana. O Jehova thaj leskere angelija tane but pomokjno taro Beng hem leskere demonija (Jakov 2:19; Otkrovenie 12:9). O Jehova mangela te sikavel pli sila te pomožinel okolenge so i tane lea paše hem so služinena leske verno ko sa (2. Letopisi 16:9).

I Biblija vakjerela: ,Ma kjeren magie‘. O Jehova osudinela o magie soske agjaar o manuša kjerena odova so mangela o Beng (3. Mojseeva 19:26).