E Devleskere sluge kjerena okova so i šukar

Kjeda isitu jek amal so but mangeale hem poštunjeale, trudineatu te ove sar leste. ,Šukar hem pravedno tano o Jehova‘, vakjerela i Biblija (Psalm 25:8). Te šaj te ova e Devleja paše, mora te ova šukar hem pravedna. I Biblija vakjerela te ova sar o Devel, sar leskjere mangle čhave, te sikava mangipe (Efešanite 5:1, 2). Ake nesave načinija te kjerelpes odova:

Pomožin javerenge. ,Te kjera šukaripe sarinenge‘ (Galatite 6:10).

Ov bukjarno. ,Koj čorgja, pobuter te na čorel, pošukar te ovel bukjarno, te kjerel šukaripe ple vastencar‘ (Efešanite 4:28).

Ov telesno hem moralno čisto. ,Te čistina amen taro sakova melalipe e snagakoro hem e duhoskoro, agjaar sikavaja kaj daraja taro Devel hem kaj mangaja te ova sveto sar leste‘ (2. Korinkjanite 7:1).

Te mange hem te poštunje te familija. ,Svako tumendar te mangel pe romnja sar korkoro peste, a i romni but te poštunjel ple rome. Čhavalen, šunen tumare roditelen‘ (Efešanite 5:33-6:1).

Sikav kaj mangea e javeren. ,Te manga amen jek jekheja, soske o mangipe tano taro Devel‘ (1. Jovanovo 4:7).

Te šuna o zakonija e državakjere. Sakova manuš valjani te šunel o zakonija e državakere. Den sarinenge so i lengoro, koj rodela danok den danok (Rimjanite 13:1, 7).