Brako

Bibliska izveštaija:

• 1Mo 24:1-4, 7 — O Avraam kova so sine ko berša, sine odlučno te arakhel romni ple čhaveske, e Isakoske, taro manuša so služinena sine e Jehovaske, a na taro Hanaancija kola so služinena sine javere devlenge

• 1Mo 28:1-4 — O Isak vakergja ple čhaveske, e Jakoveske, kaj na valjani te lel pe nekasaja taro hanaanska džuvlja, nego valjani te arakhel peske romni koja so služinela e Jehovaske

Bibliska izveštaija:

• 1Ca 11:1-6, 9-11 — O Jehova but holjangja e careske e Solomoneske adaleske so phaglja leskoro zakoni agjaar so ženingja pe džuvlencar taro javera narodija hem ov da počmingja te obožavinel hovavne devlen

• Ne 13:23-27 — Isto sar o Jehova, o Neemija holjangja e izraelska muršenge so ženingje pe džuvlencar so na služinena e Jehovaske, adaleske ov ukoringja len hem isprajngja len

Bibliska izveštaija:

• 1Sa 25:2, 3, 14-17 — O Naval sine barvalo manuš, ama ponašinela pe sine grubo, sine but lošno rom e Avigejake

• Iz 21:9 — Ako na birinaja mudro amare bračno partnere, adava šaj te kerel te na ova srekjna hem te na ovel amen mir

• Ri 7:2 — O apostol Pavle objasninela kaj keda jekh džuvli ženinela pe, lakere nesovršeno rome isi le avtoriteti upri late. Adaleske jekh mudro džuvli šukar birinela ple bračno partnere

Biblisko izveštaj:

• Iz 24:27 — Jekh murš, angleder te ženinel pe hem te oven le čhave, valjani te ovel bukjarno te šaj te poddržinel ple familija

Bibliska izveštaija:

• Rut 2:4-7, 10-12 — O Vooz halilo savi džuvli tani i Rut taro lakere navike baši buti, taro adava so šungja baši late taro doverliva manuša, sar ponašinela pe sine e Noeminaja hem tari lakiri duhovnost

• Rut 2:8, 9, 20 — I Rut halili savo tano o Vooz agjaar so primetingja kaj tano ljubezno, darežlivo hem kaj mangela e Jehova

Bibliska izveštaija:

• Iz 5:18, 19 — Nesave načinija kolencar so sikavela pe mangipe tane samo bašo okola soj ko brako

• Pnp 1:2; 2:6 — O pastiri hem i Sulamka sikavgje pumaro mangipe ko jekh ispravno hem čisto način

• Pnp 4:12; 8:8-10 — I Sulamka ačhili čisto hem sikavgja samokontrola. Oj tani sporedimi jekhe gradinaja koja soj phanli

Bibliska izveštaija:

• 1Mo 21:8-12 — Iako e Avraameske na svidžingja pe e Sarakoro predlog, o Jehova vakergja leske te šunel ple romnja

• Iz 31:10, 11, 16, 28 — Sar soj spomnimo ko akala stihija, jekh mudro rom so isi le šukar romni, na kontrolirinela la hem na arakhela lake greške. Namesto adava isi le doverba ki late hem falinela la

• Ef 5:33 — O apostol Pavle, vodimo tari e Devleskiri sila, vakergja kaj jekhe romnja isi la potreba te džanel kaj o rom mangela la

Bibliska izveštaija:

• Iz 1:8; 1Ko 7:4 — O Devel dži negde dengja e romnjenge hem e dajenge avtoriteti ki familija

• 1Ko 11:3 — O apostol Pavle objasninela kaj sarinen amen isi amen nesavo poglavari upri amende, osven e Devle kova soj Semokjno

• Ev 13:7, 17 — Ko sobranie, hem o džuvlja hem o murša valjani te oven podložna hem poslušna adalenge so predvodinena

Biblisko izveštaj:

• 1Mo 18:12; 1Pe 3:5, 6 — I Sara hor poštujngja ple rome, e Avraame, hem dikhela sine ki leste sar lakoro „gospodari“, čak ko ple misle

Bibliska izveštaija:

• 1Mo 24:62-67 — I Rebeka pomožingja ple romeske, e Isakoske, te arakhel uteha otkeda muli leskiri daj

• 1Sa 25:14-24, 32-38 — I Avigeja zaštitingja ple rome kova so na sine razumno hem spasingja e javeren taro plo kher agjaar so ponizno molingja e Davide te sikavel milost

• Es 4:6-17; 5:1-8; 7:1-6; 8:3-6 — I carica i Estira duj puti rizikujngja plo životo agjaar so iako na sine vikimi, geli ko plo rom kova so sine cari, te rodel lestar te zaštitinel e Devleskere narodo