Исаия

9 Кавка ковато споринел Калкеса ковато кергяс лес ка патинел! Соскето ов си само йекх парчес глина ки пхув паш окола парчедес глина. Ка пучел ли и глина е Грънчариес: „Со керес?“ Дали давкха со кергян те вастенца ка пхенел: „Лес нанай васта“? 10 Ка патинел кавка ковато пхенел пе дадеске „Саво си кавка чшаво ковато иси тут?“ тай пе даяке „Саво си кавка чшаво ковато биянес?“ 11 Давкха пхенел о Йехова, о Свято Дел е израилтяниенгоро, Кавка ковато кергяс лен: „Сар на лажан те пучен ман е букиенге колато ка ачшон тай те пхенен манге со те керав ме чшавенца тай е букиенца колато кергьом ме вастенца? 12 Ме кергьом и пхув тай е манушен лате. Ме вастенца бухляргьом о небес сар чаршафи тай пхенав со те керен о черхеня тай всичко со си лесте.“