Битие

3 О сап сине о най-пхирно саворе животнонендар, колато кергяс о Дел, о Йехова. Тай ов пхенгяс е жувляке: „Наистина ли о Дел пхенгяс те на хан секоне каштестар анди градина?“ 2 А и жувли пхенгяс е сапеске: „Ащи те хас о плоди таро кашта анди градина, 3 ама е плогиеске таро каш, ковато си ко машкар анди градина, о Дел пхенгяс: ‘Ма хан лестар тай ма долен лес, за те на мерен!’“ 4 Тогава о сап пхенгяс е жувляке: „Нисар нанай те мерен! 5 Соскето о Дел жанел, кай андо диес, кана ка хан лестар, тумаре якха ка путергьон тай ка ачшон сар о Дел — ка жанен со си лачшипе тай со си кханилипе.“ 6 Тай аке, дикхляс и жувли, кай о каш си лачшо хамнаске, цидел и якх тай дикхьол гудло. Адалкхеске лиляс таро плоди тай халяс. После диняс пе ромес-да, кана сине паш лате, тай ов-да халяс. 19 За те овел тут со те хас, ка керес бути тай пани ка тхавдел те чекатестар, жикай на иринес тут анди пхув, соскето латар синянас линдо. Соскето синян пхув тай анди пхув ка иринес тут. 23 Тогава о Йехова лиляс лес палал тари Едемско градина, за те керел бути тай и пхув, колатар сине линдо, те дел лес хабе.