Филипяни

4 Винаги те овел тумен радост, кана служинен е Господариеске. Пак ка пхенав: Те овел тумен радост! 7 тай о мири таро Дел, ковато си по-баро таро букя, колато йекх мануш ащи те ахальовел, ка пазинел тумаре сърца тай тумаре гогя, соскето туме пхирен палал о Исус Христос. 11 На мангав те пхенав кай требел манге нещо, соскето сиклильом, со-да те ачшол, те овав доволно таро букя колато иси ман. 12 Жанав со си те овел ман хари, жанав со си те овел ман бут-да. Со-да те ачшол ме животосте, дали синьом чало или синьом бокхало, или дали иси ман бут или нанай ман, сиклильом давкха ковато бут хари мануша жанен: те овав доволно таро букя колато иси ман. 13 Всичконаске иси ман силес, соскето о Дел дел ман сила. 19 Тай мо Дел, колес иси баро барвалипе, ка използвинел е Исусес, ковато си о Христос, за те дел тумен саворе букя колато требен туменге.