Лука

15 После ов пхенгяс ленге: „Внимавинен тай дикхен те на ачшон бокхале якхенгере. Соскето даже ако манушес иси бут букя, нанай те ачшол живдо ашал ленге“. 16 Тогава ов пхенгяс ленге йекх примери: „И пхув йекхе барвале манушескери диняс бут гив. 17 Аке соске ов мислингяс песке: „Со те керав? Вече нанай кате те тховав давкха со кидав ме пхувятар“. 18 Тогава пхенгяс песке: „Аке со ка керав: ка перавав о тхана кате кидав о гив тай ка керав манге по-баре. Ленде ка тховав всичко со кидингьом тай всичко со иси ман. 19 Тай ка пхенав манге: „Иси ман бут шукар букя тай ка ресен манге буте брешенге. Акана ащи те хав, те пияв тай те дикхав мо животос“. 20 Ама о Дел пхенгяс леске: „Залухавона, кайка рат ка мерес! Каске ка ачшол всичко со иси тут?“ 21 Салка букя ачшон калкеса, ковато кидел барвалипе песке, а на дикхел те овел барвало е Девлеске андо якха.“ 29 Аке соске ма чудинен тумен со ка хан тай со ка пиен тай ма хан холи. 30 Соскето о мануша ден всичко пестар, за те овен лен калка букя, ама тумаро Дад жанел, кай он требен туменге. 31 Тховен ко първо тхан тумаре животосте о Царство тай о Дел ка дел тумен саворе букя, колато требен туменге. 49 „Альом те тхарав яг ки пхув тай со авер те мангав, щом вече тхаргьом ла? 53 Ка овен делиме. Дад ка ухкьел мамуй пе чшесте тай чшо мамуй пе дадесте, дай ка ухкьел мамуй пе чшаяте тай чшай мамуй пе даяте, сасуй ка ухкьел мамуй пе боряте тай бори мамуй пе сасате“.