Исаия
21 Он ка керен песке кхера тай ка живинен ленде, ка садинен дракха тай ка хан лендар. 22 Нанай он те кхерен кхера, а авер те бешел ленде. Нанай он те садинен дракха, а авер те хал лендар. Мо народос ка живинен боркха бут кибор живинел йекх каш. Калкен колен избирингьом ка овел бари радост тари бути която ка керен. 23 Нанай те керен бути залудо тай те биянен чшаве колато те мъчинен пес, соскето он тай ленгере чшаве си о народос благословиме таро Йехова. 24 Англал те викинен ман, ме ка отговоринав ленге. Още жикай хоратинен, ка помагинав ленге. 25 О рув тай о бакро ка чарьон заедно. О лъвос ка хал пхус сар о грув, а о сап ка хал пхув. Нанай те керен кханилипе никхаске тай нанай те унищожинен нищо ме целоне святоне планинате“— пхенел о Йехова.