Притчи

6 Соскето о Йехова дел мъдрост, лескере мостар икльон думес, колато помагинен е манушенге те овел лен познание тай те ащи те керен разлика машкар далкхесте со си лачшо тай со си кханило. 7 Ов гаравел и мъдрост, за те дел ла калкенге, колато си честна. Ов си сар щити калкенге, колато со-да те керен пе животосте, си леске верна. 8 Ов винаги дикхел со керен о мануша, колато си справедлива тай ка пазинел калкен, колато си леске верна. 9 Тогава ка ахальовес со си давкха мануш те керел со си лачшо е Девлескере якхенде тай со си те овел справедливо тай честно. Ка ахальовес кова си о лачшо дром, колесте требе те пхирес. 10 Кана са вогиестар мангес те овес гогявер тай си туке шукар те сикльовес, 11 тогава ти годи ка керел бути шукар тай ка ащи те керес разлика машкар далкхесте со си лачшо тай со си кханило, тай калка букя ка пазинен тут, 12 за те спасинен тут кханиле дроместар тай манушестар, ковато пхенел кханиле тай хохавне букя, 13 калкендар, колато мукен о лачшо дром, за те пхирен кханиле дроместе, 14 калкендар, коленге си шукар те керен кханиле букя, коленге ачшол са по-шукар, кана о кханилипе си са по-баро, 15 калкендар, колато пхирен банге дроместе тай колато дехен те хохавен. 16 Ако синян гогявер, ка ащи те нашес жувлятар, която пхирел кханиле дроместе, жувлятар, която керел мръсна букя тай цидел тут кариг песте лакере гудле думенца,