Йоан

13 Още англал и Пасха о Исусес жанелас, кай ало о време те мукел кавка светос тай те иринел пес паш пе Дадесте. Ов дехелас пе ученикиен, колато сине андо светос, тай на спирингяс те дехел лен жи ко крайос. 3 О Исусес жанелас, кай о Дад мукляс всичко лескере вастенде тай кай о Дел бичшалгяс лес тай ка иринелас пес пак паш о Дел, 5 После чшоргяс пани андо легени тай почнингяс те тховел пе ученикиенгере пире тай те кхосел лен хавлияса, която сине пханли лескере думесте. 12 ... „Ахалилен ли со кергьом за туменге? 13 Туме пхенен, кай синьом Учители тай Господари тай давкха си верно, соскето ме наистина синьом. 14 Ама щом ме тховгьом тумаре пире, нищо кай синьом тумаро Учители тай Господари, туме-да требе те тховен йекх аверескере пире. 34 Дав тумен неви заповед: те дехен тумен йекх аверес. Сарто ме дехав тумен, туме-да дехен тумен йекх аверес. 35 Далкхестар саворе ка жанен, кай синьен мере ученикя, ако иси любов машкар туменде.