Марко

26 Ой гели буте докториенде тай бут цидингяс ленгере вастенде. Диняс пе саворе парес само за те саскьол. Ама на састили, а ачшило лаке още по-кханилес. 27 Кана шунгяс, кай о Исусес ащи те саскярел, и жувли али палал лесте машкар о мануша тай пипингяс о крайчес лескере шехиендар, 28 соскето пхенелас песке: „Само ако пипинав о крайчес лескере шехиендар, ка саскьовав.“ 30 О Исусес веднага ахалило, кай лестар иклили сила. Ов ирингяс пес кариг о народос тай пучляс: „Кой пипингяс ме шехя?“ 31 А лескере ученикя пхенде леске: „Исусе, на дикхес ли кай турял туте иси боркха бут народос? Соске пучес: ‘Кой пипингяс ман?’“ 32 Ама ов роделас те дикхел кой пипингяс лес. 33 А и жувли, кана ахалили, кай састили, даранили тай цело издралас. Ой али, пели кочиенде тай пхенгяс леске со кергяс. 34 Ов пхенгяс лаке: „Ми чшай, ти вяра саскяргяс тут. Жа туке тай ма ха холи, соскето вече синян састи.“ 35 Жикай ов хоратинелас, але мануша таре Яирескоро кхер тай пхенде: „Ти чшай мули! Мук е Учителес.“ 36 Ама о Исусес шунгяс со пхенде тай пхенгяс е Яиреске: „Ма ха холи, само верувине!“ 41 После, жикай икерелас е чшаякоро вас, пхенгяс лаке: „Талита куми“, демек „Ми чшай, ухти!“.