Йоан

2 Ме Дадескере кхересте иси бут тхан. Ако на сине, ка пхенавас туменге. Жав те керав тхан туменге. 6 О Исусес пхенгяс леске: „Ме синьом о дром, и истина тай о животос. Кой мангел те овел паше жи ко Дад, требе те верувинел манде. 9 О Исусес пхенгяс леске: „Филипе, боркха време синьом туменца, а ту още на пенжарес ман? Кавка ковато, дикхляс ман, дикхляс ме Дадес-да. Сар ащи те пучес: ‘Сикав аменге е Дадес’? 10 На верувинес ли кай о Дад си манца тай ме синьом е Дадеса, сар йекх? О букя колато пхенав туменге нанай мандар, а о Дад ковато ачшол манца сар йекх, използвинел ман за те керел давкха со мангел. 28 Шунгьен со пхенгьом туменге: ‘Жав манге, ама пак ка авав паш туменде.’ Ако наистина дехен ман, ка овен щастлива, кай жав паш о Дад, соскето о Дад си по-баро мандар. 30 Нанай те пхенав туменге още бут букя, соскето авел кавка, ковато икерел о цело светос пе вастенде, ама ов нащи те керел манге нищо. 31 Ама за те жанел о светос, кай дехав е Дадес, керав точно со пхенгяс манге о Дад. Айде, те жас аменге атхар.