Исаия
61 О свято духос е Най-баре господариескоро, е Йеховаскоро, си упрал манде, соскето ов избирингяс ман те шунярав и лачши новина е манушенге ковле вогиенца. Ов бичшалгяс ман те пхандав о ранес е манушенгере, коленге си бут пхаро, те пхенав саворенге, кай ка мукен калкен, колато си пленикя тай кай ка путергьон о якха калкенгере, колато си андо пханлибе. 2 Те пхенав саворенге, кай ало о време о Йехова те сикавел милост тай те икалел пи холи упрал пе душманиенде. Ов бичшалгяс ман те утешинав саворен, колато жалинен,