Лука

3 Тогава о Бенг пхенгяс леске: „Ако синян е Девлескоро чшо, пхен кавка бар те ачшол маро“. 4 Ама о Исусес пхеняс леске: „Анде Девлескоро Слово пишинел: „Мануш нащи те живинел само мареса“. 5 Тогава о Бенг ингалгяс лес йекхе уче тханесте тай сикавгяс леске саворе царства, колато си ки пхув, 6 тай пхенгяс леске: „Ка дав тут и цело власт упрал ленде тай ленгери слава, соскето саворе калка царства си мере тай ме дав лен каске мангав. 7 Тогава, ако перес кочиенде тай поклонинес тут манге, саворе калка букя, ка овен тере!“. 8 О Исусес пхенгяс леске: „Пишиме си: „Тере Девлеске, е Йеховаске, требе те поклонинес тут тай само леске требе те служинес“. 9 После о Бенг ингалгяс лес ко Йерусалим тай чшивгяс лес ко най-учо тхан ко храми тай пхенгяс леске: „Ако синян е Девлескоро чшо, хърпине атхар, 10 соскето си пишиме: „Ов ка бичшалел пе ангелен те пазинен тут“ 11 тай „Он ка лен тут пе вастенде, за те на чалавес то пиро баресте“. 12 О Исусес пхенгяс леске: „Анде Девлескоро Слово си пишиме: „Ма траде е Йеховас, тере Девлес, те сикавел дали ащи те помагинел туке“. 16 После гело ко Назарет, кате барилосас тай сарто винаги керелас събота, гело ки синагога тай ухтинило те четинел. 17 Дине лес о свитъки е пророкиескоро Исаия, ов путергяс лес тай аракхляс о тхан кате сине пишиме: 18 „О свято духос е Йеховаскоро си упрал манде, соскето ов избирингяс ман тай диняс ман и задача те пхенав лачши новина е чороренге. Ов бичшалгяс ман те пхенав, калкенге колато си пленникя кай ка мукен лен тай те пхенав калкенге колато си коре, кай ка путергьон ленгере якха, те помагинав калкенге колато бут циден, те локьол ленге, 19 те пхенав англал саворенде, кай ало о време кана о Йехова пак ка благословинел лен“. 20 После ов навингяс о свитъки, ирингяс лес ко служители тай бешло, а саворенгере якха, колато сине анди синагога, сине упрал лесте. 21 Тогава пхенгяс ленге: „Авдиес ачшол давкха со четингьом таре Девлескоро слово акана“. 22 Саворе хоратиненас шукар букя за леске. Он ачшиле путерде моса таро шукар букя, колато пхенелас тай чудиненас пес: „Кавка нанай ли е Йосифескоро чшо?“ 23 Тогава ов пхенгяс ленге: „Жанав кай ка пхенен за манге, давкха со пхенел о народос: „Саскяр тут, щом синян лекари!“. Тай ка пхенен: „Кер атхе-да, кате барилян, о чудеса колато шунгям кай кергян ко Капернаум“. 24 Тай пхенгяс: „Верно пхенав туменге, нито йекхе пророкиес, на уважинен лес отхе кате барило. 25 Например, кана живинелас о Илия, трин бреш тай екваш на диняс бришим ко Израил, далкхеске сине баро бокхалипе, а отхе сине бут ромня коленгере рома мулесас. 26 Ама о Дел на бичшалгяс е Илияс паш нито йекхате лендар, а бичшалгяс лес паш йекхе ромняте колакоро ром мулосас тай която сине тари диз Сарепта, анди Сидонско пхув. 27 Тай кана живинелас о пророки Елисей, сине бут мануша андо Израил колен сине проказа, ама ов на саскяргяс нито йекхес лендар, а само е Нееманес ковато сине тари Сирия.“ 28 Кана шунде калка букя, саворе анди синагога нервирисайле. 29 Он ухтиниле, икалде лес ленгере дизатар, която сине ки планина, тай ингалде лес учипнасте ки планина, за те чшиен лес отхар. 30 Ама ов накхло машкар ленде тай нашло. 43 Ама ов пхенгяс ленге: „Авере-да дизенде требе те шунярав и лачши новина е Девлескере Царствоске, соскето далкхеске бичшалгяс ман о Дел.“