Деяния

8 Трин масек жалас ки синагога тай хоратинелас смело. Ов керелас проповегя тай помагинелас околенге те ахальовен тай те приеминен и истина е Девлескере Царствоске. 9 Ама десаве таро мануша сине тхуле шеренгере тай на мангенас те верувинен. Он хоратиненас кханиле букя е християниенге англал о народос. Тогава ов мукляс лен тай секо диес керелас проповегя йекхе училищате ки Тирана. 10 Дуй бреш керелас давкха тай саворе колато бешенас анди Азия — о юдея-да, о гъркя-да, шунде о думес е Господариескере. 19 А бут калкендар, колато керенас магиес, анде пере лила йекхе тханесте тай тхарде лен англал саворенде. Кана сметинде кибор парес си о лила, ахалиле, кай он струвиненас 50 000 сребърникя.