1 Коринтяни

3 Йекх таро първа букя, колато пхенгьом туменге, сине давкха со ме-да ахалильом, кай о Христос муло амаре безехенге, сарто пишинел анде Девлескоро Слово, 4 тай кай паронде лес тай кана накхле трин диеса, о Дел възкресингяс лес, сарто пишинел анде Девлескоро Слово, 5 тай кай гело паш о Кифа тай после паш околе 12 апостоленде. 7 После гело паш о Яков тай после паш саворе околе апостоленде. 9 Соскето, машкар о апостоля, ме синьом ко последно тхан тай на заслужинав те пхенен манге апостоли, соскето гонингьом е Девлескоро сбори. 10 Ама ме синьом апостоли, само соскето о Дел сикавгяс кариг манде лачшипе, ковато на заслужинав. ... 24 После, ко крайос, кана ка махнинел саворе правителства тай саворен колен иси власт тай сила, ов ка дел о Царство е Девлеске, ковато си лескоро Дел тай Дад. 26 О последно душмани, ковато ка овел унищожиме, си о мериба. 28 Ама кана о Дел ка керел саворе те шунен лескере Чшес, тогава о Чшо-да ка шунел калкес ковато кергяс саворе те шунен лес. Тай тогава само о Дел ка управлинел упрал саворенде. 33 Ма хохавгьовен. Ако тховен тумен кханиле амаленца, он ка аравен тумен.