1 Петър

3 Туме-да, ромнялен, шунен тумаре ромен, за те ащи калка, колато на шунен е Девлескоро слово, те започнинен те верувинен, без туме те пхенен нито йекх дума, а е букиенца, колато керен. 2 Соскето он дикхен тумаро лачшипе тай о баро уважение, ковато сикавен кариг ленде. 7 Туме-да, ромален, сикавен, кай ахальовен тумаре ромниен. Сикавен уважение кариг ленде, сарто пазинен нещо, ковато лесно ащи те пхагьол, соскето он си ромня тай о ромня си по-слаба тумендар, тай соскето ашал пере лачшипнаске, ковато на заслужинас, о Дел диняс животос лен-да. Ако на сикавен уважение кариг тумаре ромниенде, о Дел нанай те шунел тумаре молитвес. 8 Пхралален тай пхенялен, саворе туме требе те овен йекхе гогяте, те тховен тумен околенгере тханесте, те дехен тумен сар пхрала, те дукхал тумен йекх авереске, те овен смирена. 12 Соскето е Йеховаскере якха дикхен, калкен, колато керен лескери воля, тай лескере кана шунен, о молитвес, колато он асвенца пхенен, ама о Йехова иринел думо калкенге, колато керен кханиле букя“. 15 Приеминен тумаре сърценде, кай о Исус Христос си тумаро Господари тай кай си свято тай винаги овен готова те защитинен тумен англал секасте, ковато пучел тумен катар авел тумари надежда. Ама керен давкха лачшипнаса тай сикавен баро уважение. 18 Соскето о Христос муло йекх дром амаре безехенге, йекх мануш, ковато керелас е Девлескери воля, муло калкенге, колато на керен ла, за те овел тумен мири е Девлеса. Ов сине мудардо, кана сине мануш, ама о Дел диняс лес животос ко небес.