Филипяни

3 Ма овен сар о мануша, колато дехен те споринен, ма овен барикане, ама овен смирена тай мислинен, кай окола си по-важна тумендар. 4 Ма дикхен само туменге, а мислинен околенге-да. 9 Аке соске о Дел кергяс лес велико, диняс лес още по-баро тхан тай вогиестар диняс лес власт сави никхас аверес нанай, 13 Соскето о Дел мангел те помагинел туменге хем те манген, хем те овел тумен сила те керен саворе букя, колато ов мангел. 19 Надинав ман, ако мангел о Господари о Исусес, сиго те бичшалав паш туменде е Тимотейес, за те ахальовав сар синьен тай давкха те дел ман куражи. 20 Паш манде нанай никхой авер сар лесте, ковато вогиестар те дикхел туменге. 21 Соскето саворе окола мислинен само песке, а ма далкхеске со мангел о Исус Христос. 22 Ама туме жанен саво лачшо мануш си о Тимотей, жанен кай служингяс манца, сар чшаво пе дадеса тай диняс всичко пестар, за те шунярел пес и лачши новина.