Марко

9 Тогава никхой те на разделинел давкха, ковато о Дел кергяс те овел йекх. 14 Кана о Исусес дикхляс со керде, давкха на харешиняс леске тай пхенгяс ленге: „Мукен е чшавен те авен паш манде, ма спиринен лен, соскето е Девлескоро Царство си манушенге сар калке чшавенде. 17 Жикай о Исусес пхирелас ко дром, йекх мануш ало сиго паш лесте, пело кочиенде тай пучляс лес: „Учителю лачшеа, со требе те керав, за те овел ман вечно животос?“ 18 О Исусес пхенгяс леске: „Соске пхенес манге: „лачшеа“? Само о Дел си лачшо, никхой авер. 19 Жанес о заповегя: ‘Ма мудар, ма пхир упрал те роместе или упрал те ромняте, ма чор, ма пхен хохавне букя против околенде ко съдос, ма хохав, уважине те дадес тай те дая.’“ 20 О мануш пхенгяс леске: „Учителю, керав саворе калка букя още отцикнярла.“ 21 Тогава о Исусес дикхляс кариг лесте тай вогиестар пхенгяс леске: „Още йекх требе те керес: Жа, бикин всичко со иси тут тай де о парес е чоренге тай ка овел тут барвалипе ко небес. После ела тай ачшов моро ученики.“ 22 Ама кана ов шунгяс калка думес, ачшило леске пхаро, бангяргяс по шеро тай гело песке, соскето сине бут барвало.