Колосяни

9 Ма хохавен тумен йекх аверес. Сарто нангьовен йекх шехи, махнинен тумендар е манушес, ковато синьенас преди тай о букя, колато керенас, 10 тай сарто урявен неве шехя, тховен упрал туменде е неве манушес, ковато ачшол са по-нево, като пенжарел са по-лачшес е Девлес тай ачшол са по-бут сар лесте. 13 Продължинен те търпинен йекх аверес тай вогиестар те простинен йекх авереске, даже кана иси соске те холянен. Сарто о Йехова вогиестар простингяс туменге, туме-да простинен вогиестар йекх авереске. 14 Ама нанай само давкха. Урявен и любов сар шехи, соскето и любов най-шукар керел е манушен те овен сар йекх. 19 Туме ромален, дехен тумаре ромниен тай ма холянен ленге. 20 Чшавален, винаги шунен тумаре даден тай тумаре дайен, соскето давкха си шукар е Господариеске андо якха. 23 Со-да те керен, керен лес целоне вогиеса, сарто ка керенас лес за е Йеховаске, а ма за е манушенге,