Евреи
13 Продължинен те дехен тумен, сар пхрала, колато дехен йекх аверес. 2 Ма бистерен те путерен тумаре кхера околенге, соскето десаве мануша керде давкха тай даже без те жанен приеминде на гости ангелен. 3 Ден тумен годи калкенге колато си андо пханлибе, все едно туме-да синьен пханле ленца тай калкенге-да колато бут циден околендар, соскето давкха ащи те ачшол туменца-да. 4 О браки требе те овел свято саворенге тай о ром тай и ромни требе те овен верна йекх авереске, соскето о Дел ка съдинел калкен, колато керен мръсна букя тай калкен, колато пхирен упрал пе роместе или упрал пе ромняте. 5 Тумаре животоса сикавен, кай на дехен о парес, ама овен доволна е букиенца, колато иси тумен. Соскето ов пхенгяс: „Нисар нанай те мукав тут, нито ка иринав туке думо.“ 6 Аке соске требе те овас смела тай те пхенас: „О Йехова си манца, нанай состар те дарав. Со ащи те керен манге о мануша?“ 7 Ма бистерен калкен колато водинен тумен тай колато сикавде тумен давкха со пхенел о Дел тай като мислинен е лачше букиенге колато он керен пе животосте, дикхен тумари вяра те овел сар ленгери. 14 соскето атхе нанай амен диз, която ка ачшол завинаги, ама жарас кайка, която ка авел. 17 Шунен калкен, колато водинен тумен, тай керен со пхенен туменге, соскето он дикхен туменге тай о Дел ка родел ленге сметка. Ако туме шунен лен, он ка ащи те керен пи бути вогиестар, без те овел ленге пхаро, соскето ако си ленге пхаро те дикхен туменге, давкха нанай те овел тумаре лачшипнаске.